اسكريبت الاسطي بقلم مي مالك
أسكريبت
_عجبك كده جيبالنا الكسفه بسبب شغلك
هو ايه شغلي الي يكسف
_قال ايه مهندسه مكانيكا عنده حق العريس يقول عليكي الأسطي بليه
هو الخسران
_افهم مغروره بنفسك علي ايه دا انتي مكانيكيا يعني اخرك هتفتحي ورشه
شكرا يا ماما بتتريقي عليا وعلي حلمي
_حلم ايه بس يابنتي شوفي احلام البنات الي نفسها تطلع دكتوره اعلام صيدله مش انتي مكانيكا
بحبها انا مش شايفه نفسي غير وسط عربيات ومفكات وصواميل
_بلاش العند نفسي اطمن عليكي يابنت بطني قبل ما اروح اقابل رب كريم
وتسبيني لمين يا حجه هو انا ليا غيرك
_كلي عقلي بكلامك الحلو اقعدي انتي كل عريس يطفش تضحكي عليا بكلمتين وتنسيني حسرتي عليكي
لا حسره ولا حاجه جهزي الأكل عقبال ما انادي أدم ينزل ياكل معانا
أدم ابن خالي ساكن في نفس عمارتنا عايش لوحده بعد ما خالو ومراته ماټو في حاډثه ملوش غيرنا واحنا ملناش غيره بعد ما بابا ما ماټ
اهلا اهلا يابنت عمتي
اهلا بيك ماما بتنادي عليك وبتقولك الغدا جاهز
قوللها انا جي تعبان من الشغل وهنام
لا يا اخويا انزل قولها بنفسك كفايه الموشح الي لسه وخداه
دا ليه دا
العريس ابن التيت قال ايه بيقول عليا الأسطي بليه
اهااا يعني اترفضتي
حاجه شكل كده
لا دا انا كده لازم اجي اكل بقا عشان اعرف التفاصيل
خد مفاتيحه وقفل الباب ونزلنا سوا لقينا ماما حطت الأكل قعدنا كالعاده حوالين السفره الصغيره
ها احكيلي اترفضتي ازاي المره دي
ابدا أمه قالتلي كل شئ قسمه ونصيب قال ايه ابنها كان عايزني ابطل شغل واقعد في البيت اربيله
عندك حق ولله
_كك كسر حقك انت وهيا انت بتعصيها علي الغلط يا أدم دا كده حالها يتوقف اكتر ماهو موقوف
انا بقول الصح طب بزمتك ينفع الي بيحصل دا يعني تضيع عمرها كله عشان تتعلم وتشتغل وفي الأخر تقعد في البيت تربي العيال
_هيا دي سنه الحياه يا ابني الست مكانها تربي العيال والراجل هوا الي يشتغل
زعلت زي كل مره من الكلام وقومت من علي الأكل وطلعت البلكونه انا مش شايفه مكاني وسط عيال وصويت وزعيق انا بحب الأطفال بس بحب حلمي نفسي ماما تشجعني زي أدم بس هيا كل الي هيا عايزاه اتجوز وخلاص وكأن حياتي كلها واقفه علي راجل اتجوزه
_شوف كل ما اتكلم في موضوع الجواز تتقمص
عندها حق يا عمتو انتي دايما بتصممي تفتحي الموضوع دا قودامها مع انك عارفه ردها
_طيب اعمل ايه عايزه اطمن عليها قبل ما اموت
ان شاء الله هتعيشي وهتوصليها لحد بيت جوزها
_بعندها دا شكلي ھموت قبل ما اشوف اليوم دا
ليه بس كده
_الدكتور قال ان حالتي بتسوء اكتر وان لازم كيماوي
فعلا مهو مينفعش ادويه بس وانتي حالتك حارجه يا عمتو
_الكيماوي يعني شعري هيقع ... تقدر تقولي هقول لساره ايه شعري وقع ازاي
قولتلك من الأول صرحيها انتي الي رفضتي
_عشان مقدرش لو قولتلها كانت هترفض تكمل تعليمها عشان توفر الفلوس انت عارف ساره خدت قد ايه في مشروع التخرج
عارف يا عمتو بس هيا كانت لازم تعرف دي بنتك الوحيده
_مش هينفع يا أدم خلاص فات الوقت دلوقتي هنعمل ايه
هنشوف الدكتور الأسبوع الجاي هيقولك ايه وساعتها نحدد
_أدم توعدني لو مت تاخد بالك من المجنونه دي
بعد
_ولله لولا عارفه انك بتعتبرها اختك كنت جوزتهالك
انا اتجوز ساره هيا فين وانا فين انا لاقي اكل اما اكل ساره واشبع طموحاتها
_الفلوس مبتعملش رجاله الرجاله هيا الي بتعمل الفلوس وانت راجل يابني يعني الفلوس هتيجي هتيجي
ان شاء الله
الوو ... ايوه يا أدم في
حاجه ولا ايه....مستشفي ليه...طيب طيب اديني العنوان
خدت العنوان وطلعت اجري علي المستشفي
ماما مالها يا أدم
اهددي شويه وانا هفهمك علي كل حاجه
انا هاديه اهوو
عمتو كان عندها.....
خرج الدكتور وقاطعنا
أظن من الأحسن تدخلوا لها دلوقتي
_ساره تعالي ياحببتي
قربت منها وانا دموعي علي خدي
سامحيني يا ماما انا السبب في كل دا اخرجي بالسلامه وانا هتجوز وهقعد في البيت واربي العيال
_ومين الي هيح...قق حلمك
مش مهم المهم انتي تكوني مرتاحه
_هبقا مرتاحه لما اشوفك مرتاحه ... حققي حلمك يابنتي
كل الي انتي عايزاه هعمله بس انتي بس شدي حيلك عشان تخفي وتبقي كويسه
_خلاص يا ساره كل حاجه خلصت خلي بالك من نفسك واوعي تنزلي راسي قودام ابوكي يقول معرفتش اربي
ايه بس لازمته الكلام دا
_تعالي في حضڼي يا بنتي
قومت وحضنتها وانا بعيط معقوله شويه هبوط يعملو كده في ماما
_اشهد ان لا إله الا الله وان محمد رسول الله
صفارات جهاز القلب خرجت من حضنها لقيتها مغمضه عنيها الدكاتره اتلمت حواليها وبعدوني عنها والممرضه طلبت مننا نخرج انا مش قادره اتحرك أدم شدني من ايدي وخرجنا وانا عيني علي الأزاز بشوفهم وهما بيحاولو ينعشو امي هتفوق في اخر لحظه زي المسلسلات
البقاء لله
هدوء رغم كل الدوشه الي حواليا انا مش حسا بحاجه العالم وقف امي ماټت يعني انا دلوقتي بقيت مقطوعه من شجره فعلا انا لوحدي وقعت علي الأرض وانا حسا ان كل حاجه خلصت انا عايزه ابعد عن المكان دا
اخيراا شوفو مين صحي
_انا فين
في المستشفي بقالك اسبوع وشويه
_ماما فين ماما
ساره انتي لازم تأمني بقضاء ربنا ودا عمرها
_يعني هيا فعلا ماټت دا مش حلم
انا حاولت ولله معاها بس هيا كانت رافضه للعلاج
_علاج ليه
عمتو كان عندها کانسر في المخ وكانت رافضه الكيماوي
مقدرتش اكون قويه دي كانت عيلتي كلها هعيش ازاي من غيرها صړخت بأعلي صوتي لدرجه ان مبقاش فيا صوت دكاتره كتيرر وأدم بيحاولو يهدوني اخر حاجه فكرها أدم وهو بيحط ايده علي راسي وبيهمس في وداني
كله هيبقا تمام
اول مره أدخل البيت وهيا مش موجوده فيه قعدت علي اقرب كرسي وانا دموعي بتنزل تلقائي لوحدها
ساره دا قضاء ربنا
_ليه مخدنيش معاها ليه خدها لوحدها
هتكفري بقضاء ربنا ياساره ولا ايه
_أستغفر الله العظيم بس هو عارف اني مش هقدر اعيش من غيرها
ربنا ادرا بالي عبده يستحمله ولو عارف ان دا فوق قدرتك مش هيخليكي تواجهيه
_هقدر اعيش من غيرها انا مليش غيرها
وانا معاكي وجمبك ياستي اعتبريني اخوكي وانا هبقا معاكي في كل حاجه
مش ناويه تنزلي الشغل الناس بتسأل عليكي
_مش قادره انزل يا أدم ارجوك قدر موقفي
ما انا مقدر اهو ومستحملك للأخر
الباب
اهلا وسهلا مين حضراتكم
